Молитва за дітей – провідник по життю під покровом Всевишнього

Молитва батьків для дитини — потужний оберіг, путівник і провідник по життю під покровом всемогутнього Бога, Святої Трійці, Пречистої Богородиці і святих.

Молебні, храмові служіння дуже важливі в плані духовного захисту дітей, але недарма кажуть, що Творець в першу чергу чує батьківські молитви. Щира молитва, наповнена гарячою любов’ю, відкриває врата Небес.

Проте слід пам’ятати, що батьки не можуть дати те, чого самі не мають. Тому вони, якщо хочуть, щоб їхні діти були захищені батьківської молитвою, повинні самі жити в тій благодатній традиції, в якій зберігається все справжнє, добре і життєздатне.

Моли́тва за дітей до Бо́га Отця

О́тче Святы́й, Предве́чный Бо́же! Тебе́ молю́ся о ча́де мое́м (и́мя) его́же дарова́ ми́ бла́гость Твоя́. Ты́ да́л еси́ ему́ бытие́, оживотвори́л его́ душе́ю безсме́ртною, огради́л святы́м креще́нием, во е́же жи́ти ему́ сообра́зно с во́лею Твое́ю и наследовать Ца́рствие Небе́сное. Сохрани́ его́ во благода́ти Твое́й до конца́ жи́зни его́. Содействуй ми́ Твое́ю благода́тию, дабы́ а́з воспита́л его́ во сла́ву и́мени Твоего́ и в по́льзу бли́жним, пода́ждь ми́ к сему́ потребные сре́дства, терпе́ние и си́лы. Го́споди, просвеща́й его́ све́том прему́дрости Твоея́, да лю́бит Тя́ все́ю душе́ю свое́ю и все́м помышле́нием свои́м. Насади́ в се́рдце его́ стра́х и отвраще́ние от вся́каго беззако́ния, да бу́дет непоро́чен в путе́х свои́х. Го́споди, украси́ ду́шу его́ целому́дрием, долготерпе́нием и вся́кою че́стностию, да вся́ка клевета́, ло́жь и ле́сть бу́дет ме́рзостна ему́. Окропи́ его́ росо́ю благода́ти Твоея́, да преуспева́ет в доброде́тели и свя́тости и да возраста́ет в любви́ Твое́й и любви́ благочести́вых челове́к. А́нгел Храни́тель да пребыва́ет с ни́м всегда́ и соблюда́ет ю́ность его́ от помышле́ний су́етных, от пре́лестей и собла́знов ми́ра сего́ и от вся́ких наве́тов лука́ваго. А́ще же когда́ и согреши́т пред Тобо́й, не отврати́ лица́ Своего́ от него́, но бу́ди ми́лостив ему́, возбуди́ сокруше́ние в се́рдце его́ и по мно́жеству щедро́т Твои́х очи́сти согреше́ния его́. Не лиши́ его́ и земны́х Твои́х бла́г, но посли́ ему́ вся́ ну́жная во вре́мени во приобре́тение блаже́нныя ве́чности. Сохрани́ его́ от вся́кия напа́сти, беды́ и боле́зни и осеня́й во все́ дни́ живота́ его́. Бо́же Благи́й, еще́ молю́ся Тебе́: да́ждь ми́ весе́лие и ра́дость о ча́де мое́м и сподо́би мя́ предста́ти на Стра́шнем суди́щи Твое́м и с непосты́дным дерзнове́нием рещи́: се́ а́з и ча́до мое́, е́же да́л ми́ еси́, Го́споди. Да ку́пно с ни́м прославля́я неизрече́нную ми́лость Твою́, превозношу пресвято́е и́мя Твое́, Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.

Моли́тва за дітей до Го́спода Ісу́са Христа

Сладча́йший Иису́се, Бо́же се́рдца моего́! Ты́ дарова́л мне́ дете́й по пло́ти, они́ Твои́ по душе́; и мою́ и и́х души́ искупи́л Ты́ Свое́ю неоцененною кро́вию. Ра́ди кро́ви Твоея́ Боже́ственныя умоляю Тебя́, Сладча́йший мо́й Спаси́тель: благодатью Твое́ю прикоснись сердца́м дете́й мои́х (имена́) и крестников мои́х (имена́) огради́ и́х стра́хом Твои́м Боже́ственным, удержи́ и́х от дурных наклонностей и привычек, направь и́х на све́тлый пу́ть и́стины и добра́, украси́ жи́знь и́х все́м до́брым и спаси́тельным, устро́й судьбу́ и́х, я́коже Ты́ Са́м хо́щеши, и спаси́ души́ и́х, и́миже ве́си судьба́ми.

Моли́тва за дітей до Пресвято́ї Богоро́диці

О Пресвята́я Влады́чице Де́во Богоро́дице, спаси́ и сохрани́ под кро́вом Твои́м мои́х ча́д (имена́), все́х отроко́в, отрокови́ц и младе́нцев, креще́нных и безымянных и во чре́ве ма́тери носи́мых. Укрой и́х ри́зою Твоего́ матери́нства, соблюди́ и́х во стра́хе Бо́жием и в послуша́нии родителям, умоли́ Го́спода моего́ и Сы́на Твоего́, да да́рует и́м поле́зное ко спасе́нию и́х. Вруча́ю и́х Матери́нскому смотре́нию Твоему́, я́ко Ты́ еси́ Боже́ственный Покро́в раба́м Твои́м.

Моли́тва за дітей до А́нгела Храни́теля

Святы́й А́нгеле Храни́телю моего́ ча́да (и́мя), покры́й его́ твои́м покро́вом от стре́л де́мона, от глаз обольстителя и сохрани́ его́ се́рдце в а́нгельской чистоте́. Ами́нь.

Молитва за дітей до святи́теля Миколая Чудотво́рця

О до́брый на́ш па́стырю и богому́дрый наста́вниче, святи́телю Христо́в Нико́лае! Услы́ши на́с гре́шных (имена́), моля́щихся тебе́ и призыва́ющих в по́мощь ско́рое предста́тельство твое́: ви́ждь на́с немощны́х, отвсю́ду уловля́емых, вся́каго бла́га лише́нных и умо́м от малоду́шия помраче́нных. Потщи́ся, уго́дниче Бо́жий, не оста́вити на́с в грехо́внем плену́ бы́ти, да не бу́дем в ра́дость враго́м на́шим и не у́мрем в лука́вых дея́ниих на́ших. Моли́ о на́с недосто́йных Соде́теля на́шего и Влады́ку, Ему́ же ты́ со безпло́тными ли́ки предстои́ши: ми́лостива к на́м сотвори́ Бо́га на́шего в ны́нешнем житии́ и в бу́дущем ве́це, да не возда́ст на́м по де́лом на́шим и по нечистоте́ серде́ц на́ших, но по Свое́й бла́гости возда́ст на́м. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу твоему́ припа́дающе, по́мощи про́сим: изба́ви на́с, уго́дниче Христо́в, от зо́л находя́щих на на́с, да ра́ди святы́х твои́х моли́тв не обы́мет на́с напа́сть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Христа́ Бо́га на́шего, да пода́ст на́м ми́рное житие́ и оставле́ние грехо́в, душа́м же на́шим спасе́ние и ве́лию ми́лость, ны́не и при́сно и во ве́ки веко́в.

Моли́тва о дітях  прп. Амвро́сія Оптинського

Го́споди, Ты́ Еди́н вся́ ве́си, вся́ мо́жеши и все́м хо́щеши спастись и в ра́зум И́стины прийти. Вразуми́ ча́до мое́ (и́мя) позна́нием и́стины Твоея́ и во́ли Твоея́ Святы́я, укрепи́ его́ ходи́ти по за́поведям Твои́м и мене́ гре́шнаго поми́луй, моли́твами Пречи́стыя Ма́тери Твоея́, Богоро́дицы и Присноде́вы Мари́и и святы́х Твои́х (перечисляются все святые семьи), я́ко препросла́влен еси́ со Безнача́льным Твои́м Сыно́м и с Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в. Ами́нь.

 

 

 

 

 

 

Добавить комментарий